張敬軒幾何級升做軒公

張敬軒前晚擔任鄭秀文(Sammi)演唱會第三場的表演嘉賓，當Sammi介紹軒仔出場時笑說：“我叫佢阿仔，但依家啲人叫佢阿公。”然後軒仔從升降台出場，全場歡呼，兩人即合唱《笑忘書》，唱罷軒仔輕吻Sammi手背，觀眾尖叫。

Sammi對軒仔說：“好多年前你做過我演唱會嘉賓。（係呀！）咁你嗰陣時叫做軒仔⁈（依家都係！）依家就叫做軒公，即係升咗呢，仲要係幾何級咁升口添！”軒仔說：“我唔知呢個名喺邊度嚟，起碼要去到阿公嘅年紀先啦！”Sammi揚言前兩場嘉賓都是比較新的歌手，軒仔細細聲說：“其實我讀緊書嗰陣都有睇《大頭綠衣鬥殭屍》，依家我開騷，有時啲後輩嚟到，例如噚晚嗰個後輩歌手（林家謙），佢話九歲聽我首《酷愛》！今晚輪到我，山水有相逢。”全場爆笑。

軒仔說：“我要好多謝Sammi，佢係我恩人。其實唔多歌手會帶我呢啲新人出埠表演，但我好開心，當年我仲係新人嘅時候，Sammi帶我去到馬來西亞做佢演唱會嘅表演嘉賓，我好多謝佢！”Sammi說：“其實一代一代咁樣帶出嚟，你依家都係大人，要帶新人出嚟！”然後軒仔唱《隱形遊樂場》，觀眾聽出耳油。