羅毓儀憶初入行騰雞

昨日，藝人羅毓儀接受新城廣播知訊台《原來生活好快樂》節目“快樂紅人”主持麥卓華（小麥）的訪問。Yuki在處境劇《愛 · 回家之開心速遞》中飾演“路小小”，她直言很喜歡這個角色，“呢個角色好得意，我好鍾意睇討論區啲人講咩，前期啲人唔鍾意我呢個角色，覺得佢搞呢搞路，又拜金又港女，但慢慢都有啲正評，覺得衰得嚟又搞笑，一睇呢啲回應就好有成功感，所以都幾開心。”在劇集《神耆小子》中演繹鄭則仕孫女“金多多”的Yuki，面對老前輩對手毫不怯場，反而可以開心從鄭則仕身上偷師。她說：“我哋成套劇演員好似一家人咁，拍得好開心呀。”

演而優則唱的Yuki，小時候已熱愛夾Band彈電結他及四出表演。問她最愛音樂還是演戲，Yuki說：“好難答，演戲我係手到拿來，但唱歌經驗尚淺，所以都幾有壓力。”她近日推出新歌《日落時》，歌詞帶出成長過程每分每秒都在面對改變，希望大家面對改變用積極態度，珍惜當下。“我嘅NBTI 16型人格係I行先，獨處時可以好自我，同時又係好慢熱內向，初入行時一入到化粧間就心跳好快，個心好亂，用咗兩三年時間先開始習慣。”