馮允謙新歌教女友嗌交

早前宣佈今年十月再次在紅館開個唱的馮允謙(Jay Fung)，近日為情歌《在愛面前投降》英文版《Surrender to Love》，拍攝Studio Live 封面，請來蘇道哲以鋼琴和Nic Tsui以結他伴奏。身在尖沙咀1881公館取景的Jay說：“好開心喺度拍攝《在愛面前投降》英文版《Surrender to Love》嘅cover，中文版由陳詠謙填詞，作曲有我、陳考威同埋Nick Wong（黃兆銘），編曲有Nick和監製陳考威。首歌講一對情侶有拗撬時，嗌交嗌到忘記自己嘈緊乜，而我好願意輸畀另一半，因為我知道，喺呢一刻我輸咗，但係最終我係贏，因為我贏到你陪喺我身邊。”

雖然Jay作曲時已有這個想法，但只是隨意填了一些英文字，直到旋律遇上陳詠謙，他填上中文歌詞，完整了意思。Jay說：“陳詠謙嘅中文詞令我更確定呢首歌嘅主題，之後返屋企修改英文歌詞，由頭到尾我自己一個人寫晒。”未婚妻未聽過英文版，Jay希望連同旋律製作成歌曲才給她聽。“我想畀佢驚喜，希望佢鍾意啦！希望佢好似我咁樣，喺我面前投降，唔好成日諗住贏我。因為一段關係，唔係在乎邊個贏邊個輸，呢首歌男、女朋友都好適合，每個人都要遷就對方，要為呢段關係承擔，有陣時唔只係講贏與輸，兩個人溝通得好更重要。”