混血型男賀邦方智弘合組出道

男子組合“One Up”正式出道，兩名成員是曾參加《全民造星V》的中英混血兒賀邦(Bronny)與方智弘(Oscar)，首支派台歌《Ten Outta Ten》亦已推出。兩位型男在歌曲MV中，化身深情王子，義無反顧地去愛及守護MV女主角，拍攝期間雖然時晴時雨，但無損他們首次以組合拍MV的亢奮心情。

關於One Up的誕生，Bronny與Oscar誓要呈現新的一面給樂迷。Bronny說：“想呈現我哋嘅音樂類型，喺香港嚟講，相對較少將Hip Hop、Rap放於主流音樂，好少每首歌都有Hip Hop元素，但我哋由這首歌到將來歌曲，都會有Rap，而Rap嘅設計會由我負責及親自寫。”Oscar則希望大眾見證自己的進步，他說：“《全民造星V》嗰時自己好冇自信，喺台上攞住支咪都好驚，自從組成One Up後，有學唱歌、學樂理，仲有苦練結他，其實自己係好鍾意音樂，好想有全新舞台演出畀大家睇。”