泳兒音樂會水槍傍身

八月三日《New Bomb音樂會》將於水上樂園舉行，泳兒(Vincy)帶領同門師弟洪助昇(Aiden)、黃明德(Dark)及黎展峯(Andy)參與演出。泳兒笑言會帶定水槍傍身，等睇師弟爆衫show肌。

Vincy皮膚白淨，但她表示不擔心戶外演出會很熱及曬黑，“我出名怕凍，所以對熱我係絕對唔驚，而且我曬極都唔黑，加上今次係傍晚開show，好似話場地一邊唱一邊可以睇到日落，應該好好feel。”她又謂，可以近距離同觀眾互動，“之前同阿Dark喺澳門都做咗個戶外show，氣氛好正。今次呢個場地，歌手同觀眾感覺更加close，更加感受到佢哋嘅熱情。”她笑言到時可能會帶定水槍上台跟觀眾“互動”一番，“水上樂園吖嘛，有支水槍喺身係好合理嘅。”提到戶外show必定被歌迷大嗌除衫，Vincy表示將這重任交給三位師弟，不過三個師弟惜肉如金。Dark表示自己仍是學生，“一睇就知我係賣藝派啦。”Andy笑說“我唔想搶鏡，哈哈。”至於Aiden則醒目說“就算除都冇話唔打底，哈哈。”