薛家燕食神上身嘆叉燒

前日播出的一集旅遊節目《玩轉深中懶人包》，薛家燕玩轉江門，首站到江門的陳皮村品嘗傳統三寶扎茶以及參觀柑田，之後走訪百年陳皮老字號見識鎮店“陳皮皇”，“陳皮皇” 產於一九二九年，陳化年份足足有九十五年，曾以每公斤一百一十萬人民幣拍賣成交，相當珍貴！一眾主持大歎台山特色湯圓、三寶扎雞湯和陳皮欖角蒸拆骨鰻魚等。家燕姐品嘗完三寶扎雞湯後說：“我以為淨係啱我呢啲老人家，原來都啱你哋啲年輕人。”醒目仔阮浩棕即時賣口乖說：“家燕姐你唔係老人家，你係少女嚟。”氹得家燕姐笑逐顏開！

之後一行去到三十三墟老街打卡，陳曉華傳授家燕姐“三痛”影相大法，家燕姐大擺腰痛、 頭痛和頸痛動作影靚相，場面搞笑。另外，何廣沛、阮浩棕、張彥博和林正峰大歎因內地劇《狂飆》Hit爆的豬腳麵 ，四人為了吸人氣升呢做主角，瘋狂爭食豬腳麵！最後一站，一行人去到有廿多年歷史的餐廳食好西，家燕姐走入廚房學整台山著名的黃鱔飯，節目還公開製作秘訣。該店馳名的脆皮叉燒曾於美食節榮獲金獎殊榮，家燕姐品嘗後重現《食神》經典名場面，大嗌：“從來未食過咁好味嘅叉燒！”