鍾舒漫避談男友林灝軒

前晚，衛蘭、衛詩、鍾舒漫(Sherman)、鍾舒褀(Sukie)、王君馨及吳浩康(Deep)等，在九展為慈善音樂會演出。Sherman舊愛Deep也有份演出，她知道對方有來，已在後台打招呼，都戥對手做了爸爸開心。覺得Deep為人父後有甚麼不同？Sukie代答：“佢有主動分享BB和狗仔啲相畀我睇。”Sherman稱當時自己不在場，有機會都與會問他拿BB相來睇，不過上網都有得睇，BB好趣致。與導演男友林灝軒(Steve)又計劃何時結婚生仔？Sherman說不想講感情事，因等了三年終可推出新歌，希望盼大家專注其工作。當追問她和Steve是否仍在一起時，Sherman繼續封嘴不談。

Sherman與妹妹Sukie受訪時表示，二人會聯同衛蘭、衛詩和王君馨首次同台獻唱外，又會分享她們的姊妹情。Sherman透露下月五人會赴美加進行三星期短期宣教，之前更為了今次短宣開了七、八小時會議。可有拗撬？Sukie說：“冇，反而睇到大家性格各有不同，王君馨好似大家姐，會推動我哋，Sherman就將我哋團結起嚟，我就負責搞氣氛。”已為人妻的Sukie，談到生育計劃時，笑言要慢慢來，自覺仍青春，加上擔心生完BB肚皮鬆弛，雖然長輩心急抱孫，但她和老公不急。