陳庭欣率眾女大露肩

第三季《思家大戰》本周日播出的一集，有陳庭欣（兔B）率領的“東張女神膊到盡”隊。在答問題環節，“東張女神”隊表現出色，兩度清版，當中梁菁琳更擦鞋成功。事緣其中一條問題“夜媽媽得你一個喺條街，忽然有露體狂走出嚟，你會即刻？”梁菁琳九秒九兼意志堅定回答：“拍片報東張”，思捷聞言對菁琳“轉數之快”五體投地：“答案唔會喺上面口架喇，雖然你係擦東張鞋，但呢個係good answer，如果（答案版）有乜都得，我請食飯！”

“東張女神膊到盡”隊成員包括陳懿德、容羨媛、梁麗翹、梁菁琳，五人以sharp醒露膊裝上陣，一出場即大擺女人味十足的S形甫士。提起隊名，隊長陳庭欣笑言：“今次博啲乜？梗係博贏，我哋做嘢搏到盡，玩遊戲都搏到盡！”說畢五人笑言要“襯番隊名”，玩起“膊頭人浪”。那邊廂，負傷撐拐杖上陣的陳懿德，要講出一個“武打電影男明星”，她竟回答：“我淨係諗到陳山聰咋”，思捷聽罷反白眼之餘，更忍不住口噏噏走向鏡頭前“投訴”，場面搞笑。在節目尾聲更有彩蛋，思捷一時技癢大耍雙節棍。