泳兒冒寒穿開窿裙

歌手泳兒(Vincy)、林奕匡、雲浩影(Cloud)）及DEZ（余宗遙）昨日到香港電台進行錄音，為“國際流行音樂大獎”揭曉獎項。近日天氣嚴寒，但Vincy卻以一身灰色露背裙現身。她笑言並非為貪靚而冒險：“本身冇惗住咁多窿㗎，咁啱屋企得番呢條裙比較襯今日個活動，今日唔使唱歌，最多都係頒獎嗰陣除低件褸影相，因為太多窿窿，我貼咗啲暖包喺件褸度。”

Vincy表示也擔心會着涼，加上將會出席多個頒獎禮，所以更加要小心身體，透露正物色戰衣出席頒獎禮，笑指造型師想她挑戰更大尺度。是否對自己背脊最有信心？她笑説：“我背脊其實未Ready未夠白滑，不過咁啱今日冇辦法，哈哈！我惗對腳啦，通常我肥都唔會肥喺對腳，其他部位我好識得用件褸遮住。”她表示性感沒有問題，最重要感覺健康而不是暴露便可。身旁Cloud亦表示贊同：“最緊要睇落健康、唔影響我身體健康，哈哈！（最有信心邊個部位？）暫時係個樣Ready，哈哈。”