On仔被釗峰奪初吻

日前C AllStar作客TVB娛樂新聞台節目《StarTalk》，接受許文軒專訪，大談首次舉行戶外音樂會感受。On仔說：“今次喺聖誕開音樂會特別有意義，因為過往每逢平安夜都會去到尖東海旁同大家一齊報佳音，已經變咗一個傳統。過去幾年因為疫情取消咗，所以今次變成一個大型音樂會，自己都特別期待。”談及過往報佳音的難忘事，King說：“記得有一年，啱啱開始玩打碟，因為打碟需要好大嘅電量，但係最後都唔夠電，玩玩吓變咗清唱。”釗峰說：“我哋啲歌迷好犀利，乜嘢歌都識唱，聖誕歌甚至Side Track都跟到。今次音樂會仲有飄雪效果，所以特別覺得開心。”Jase 說：“每年聖誕節都收到好多曲奇餅，但係其實自己唔鍾意食，因為好怕牛油！”

四子直言喜歡聖誕節，其中King特別喜愛出埠滑雪，笑言音樂會過後便會離港。On仔則說：“我鍾意聖誕節嘅程度，係屋企棵聖誕樹會擺足一年，從來冇收埋過。聖誕節亦都好鍾意一大班朋友聚埋玩遊戲。”釗峰說：“記得我哋玩過一個遊戲好大膽，我輸咗之後要同On仔嘴對嘴錫。”On仔笑言被釗峰奪去初吻，他說：“冇惗過釗峰伸條脷過嚟，原來佢比較鍾意法式，我就簡單啲，鍾意淺上！”