草蜢讚欣宜台上光芒

下月即將在紅館舉行演唱會的草蜢，前晚與鄭欣宜(Joyce)和湯令山上ChillClub，分別Crossover 演唱《怎麼天生不是女人》、《一加一加一的愛》，原來今次邀請合作全是蔡一智的私心。相隔多年，草蜢與Joyce再度同台合唱，阿智讚Joyce：“早前睇咗佢紅館演唱會，好感動，佢嘅台上光芒愈來愈勁，今日邀請佢同我哋合唱，我係有私心，好想現場欣賞佢表演新歌，剛才睇到佢又唱又跳，好精彩。”Joyce感謝說：“好開心可以同草蜢哥哥Crossover佢哋嘅歌，我揀咗《怎麼天生不是女人》，是傑仔哥哥作曲口架！”

湯令山來自美國伯克利音樂學院，阿智揚言以他為努力目標：“湯令山返嚟香港後，為樂壇好多歌手寫咗好多好作品，我好留意佢，尤其係佢來自嘅音樂學院，係我好仰慕嘅學院，我希望退休後可以去讀。”今次合唱，湯令山花了很多心思，在眾多草蜢金曲中挑選合唱《一加一加一的愛》後，還主動參與新編伴奏，他說：“我好鍾意呢首歌嘅小提琴伴奏部分，好有法國風味。”