張繼聰暫時復出歌壇

日前張繼聰作客TVB娛樂新聞台節目《StarTalk》，接受許文軒專訪，大談相隔七年再開演唱會感受。他說：“當初七年前開完最後一個演唱會，本來專心做演員，當時好決絕，連做歌嗰部電腦同結他都收埋。（你捨得？） 捨得，我又唔係唔接觸音樂，我可以聽歌。當時覺得人生去咗另一個階段冇咩歌可以再寫，唔通仲唱失戀歌咩。呢幾年大家都要面對好多嘢，好多嘢發生，既然自己本業係提供娛樂畀大家，倒不如開騷，決定暫時復出，如果遇到啱嘅就繼續唱，但點都係都係演員。”

談到現在做歌手的心態，他說：“依家寫歌冇乜商業考慮，冇惗頒獎禮，亦冇播幾多，有啲返去以前讀演藝時嘅感覺。如果加入一啲唱片公司，做返主流歌手，一定要喺個遊戲裏面，跟遊戲規則，既然呢一刻嘅我主力拍戲，所以造音樂最好係要喺享受範圍之內，冇壓力就可以好好享受。有獎我會去，冇獎咪唔去，講到明自己嘅心態，幾廿歲唔好浪費時間。”