雨僑力數羅力威四宗罪

雨僑前晚亮相《日日媽媽聲》，透露懷孕期間老公對她無微不至，原本以為老公羅力威湊BB亦會得心應手，豈料不只是錯覺，老公更是“豬隊友”。

雨僑與老公羅力威愛得甜蜜，婚後育有一女。雨僑前晚在節目中透露生完BB後，由於沒有請工人和陪月，全靠老公幫忙。她說：“老公對如何湊BB簡直無從入手，餵奶、換衫及換片均有困難！幫BB換衫，佢一定揀扣鈕衫，但係下半身永遠冇扣好。”

雨僑又力數老公四宗罪，包括“冇起身照顧BB”、“永遠餵唔到奶”、“爆片處理唔到”及“連BB都向佢Say No唔畀抱”。雨僑指與囡囡是“前世仇人”多於“情人”的羅力威，就連帶囡囡報讀幼稚園都會出事：“老公平時講話會比較緊張，所以事前記低晒答案。當老師問到小朋友的喜好時，老公衝口而出話‘我小動物最鍾意小朋友’，調轉晒前後！”雨僑笑指囡囡現在雖然只能說簡短句子，但表達能力都比爸爸好。