搞衰個名

好事不出門，壞事傳千里。澳門甚少新聞能衝出小城，出得的多為衰嘢。今次foodie收陀地疑雲，香港傳媒廣泛報道，唔想紅都難，可惜是自殺式！

話說，最近有家餐廳出貼文揭露，有位foodie私訊該店，內容大概說該foodie已到新店拍攝，要求贊助貼文的IG廣告，有贊助就“執靚啲文案”，冇的話文案就“比較直率”。餐廳負責人形容此舉像“現代蠱惑仔收陀地招數”，相信不少人不想多事而賣賬，中招者眾。此事網上引發熱議，現實也街知巷聞。

君子愛財，取之有道。做foodie、找廣告並無不妥，但須事前講明、均真，你情我願。如此用詞更難怪別人指責。一子錯，滿盤皆落索，很難再混下去了。

社交媒體興起，youtuber、foodie等如雨後春筍，卻良莠不齊。看上去很風光，用手機拍條片、影幾張相，講下嘢或者寫幾句，即可變身KOL賺錢，實際做的人多，搵到食的極少，稱得上“優質”内容更是鳯毛麟角。因要做得好，為創作而付出的心血、時間，不足為外人道。試想，拍剪一條三分鐘的片，隨時用上三幾日甚至更多。平嘢冇好，好嘢冇平，高質的價格不會低，價格太高又無人肯幫襯，鬥爛市卻是澳門創意行業的現實，難呀！但如遇開價二百至五百的，甚麼質素唔使問阿貴，大家可以慳啲！

強 生 hengut@gmail.com