九魚舫新套餐有驚喜

有一段時間沒有去九魚舫，因為食量有限，偏偏那裡的午市套餐份量足夠我食兩餐。新年開工後，約上三兩新同事去試全新的晚飯套餐，二人份全包只係三百八十元。

先來一份吞拿魚眉豆沙律，這個搭配比較有新鮮感，但其實是很葡式的。若果要飲酒，先用這個沙律墊墊肚更好。湯類只有黑松露野菌湯與海鮮龍蝦湯，兩樣都係味道十分香濃美味，一時之間好難揀。所以人多有好處，兩個湯都點，每樣試啲就可以滿足晒兩個願望。

主菜有脆皮三文魚煙鴨胸、海鮮燴意大利長通粉、蒜茸炒雜菜，即是肉蛋白、麵碳水、菜纖維都齊晒，唔使傷腦筋。甜品有木糠布甸和朱古力慕絲，一硬一軟，一清新一濃郁，大廚考慮周全，哈哈！

晚飯獲新同事大讚，結果翌日再去試下午茶。馬介休球拼牛肉捲，或者南瓜藜麥沙律拼豬扒包，甜品有木糠布甸、咖啡芝士餅、雞蛋布甸或芝士蛋糕，送熱茶或咖啡。一百○八元兩位，講真，當租張檯吹吓水都值返晒啦！

穎 兒