黎美言考慮雪卵

黎美言(Winkie)近日忙於拍攝網片，走訪香港隱世食店，了解受疫情打擊的餐飲業近況。疫情下開工，她坦言會緊張，全程戴上口罩做足保護：“話唔驚就假，但保護功夫都做到足！袋住清潔用品，隨時保持個人衛生囉！雖然會擔心，但呢個係我過年後第一個工作，所以都算有個好開始。”

Winkie本身開辦跳舞學校，她表示學校生意不俗，多年來都穩賺，但目前遇上樽頸位：“因為大家都記得我從跳舞學校出身，所以好信我的課程。但依家就去到樽頸位，要學吓點樣管理人手。”

三十四歲的Winkie與男友感情穩定，她笑言剛過去的新年因疫情而不用去拜年，沒有被親友逼婚。不過，早前她在社交網站再貼出舊的廣告婚紗照，引起朋友關注。她說：“有朋友問我係咪宣佈婚訊？又話太遲生BB會有難度，搞到我都要諗係咪要雪卵？（不設防準備生小朋友？）唔識答呀，總之順其自然囉。”