鄭世豪揭入行多年心路歷程

鄭世豪在劇集《鐵拳英雄》飾演步青原一角，在前晚播出的大結局中，與奸角金耀龍奮力一戰、最終如願得到家人正評的青原，於母親懷中死去，細鳳姐更哭得肝腸寸斷，令人動容。網民力讚鄭世豪演繹出色：“鍾意步青原，佢做得好好。”

在演藝圈打滾超過廿年的鄭世豪，早前接受無線娛樂新聞台節目《星光路上》訪問，與主持潘盈慧大談入行多年的趣事以及心路歷程，節目一連兩集播出。鄭世豪大談細龍生及步青原這兩個重要角色對他演藝事業的影響；他亦在節目中感謝太太支持，讓他可自資出碟，一圓歌手夢。

無線訓練班出身的鄭世豪，演藝資歷相當多元及豐富。他在訪問中自爆除了當過七年“禮儀先生”外，亦試過同一套劇中以不同身份出現；輾轉捱了足足十六個年頭，終於憑《愛 · 回家之開心速遞》中“細龍生”一角成功彈出。

在樂觀積極的世豪眼中，他覺得所有的經歷都是學習、而不是捱：“做路人甲乙對於我來講，係一個開心愉快幸福的過程，因為唔使埋位時可以攞住劇本、學習同觀摩前輩點樣去演繹。我反而冇諗點解可以捱到現在，可能我自己人生都係咁，好多嘢都需要比別人付出更加多努力。點解我要比別人勤力多啲？因為我覺得自己唔係天生的好演員。我好慶幸自己可以用長時間去學習，直到有今日少少成績。”面對娛樂圈突如其來的高低起跌，世豪亦說有過氣餒：“氣餒係每年都會有。當你由一句對白去到三句，你係成長咗嘛；但有時當你正在成長，好似當年《搜神傳》同《金石良緣》的監製畀咗個好好的角色我，但下一套劇可能又去返未必有對白的角色，去到呢啲位就會唔開心。”