陳煒揭未婚夫與貓有緣

陳煒日前拍攝娛樂新聞台賀年節目，大談過年感受。陳煒最大期望是虎年身體健康，她說：“未婚夫畀我好大自由度，支持我繼續工作。我希望可以多演唔同類型角色，特別對人物傳記角色有興趣。”

煒哥表示母親是北方人，以往年三十晚都會包水餃：“過年一定食得豐富，不過人越大越想過得簡單。之前好多人想試我的手勢，我試過親手煮鮑魚、花膠、鵝掌，送到朋友屋企，大家都好開心。”

談到婚禮進度時，陳煒表示一切交由好友兼設計師何國鉦負責。她說：“我哋感情好似兩兄妹，佢拍心口話要幫手。但依家疫情嚴重，唔知到時點，見步行步。”

煒哥又對未婚夫有讚冇彈：“以前請朋友返屋企，我屋企的貓會立即匿埋；但第一次邀請佢到我家時，貓咪好乖，仲幫我招呼佢，我覺得呢個係奇妙的緣份。佢冇養過小動物、本身對貓毛敏感，但佢寧願自己痕，都幫我照顧佢哋同餵食，搞到貓咪好肥。”問到男友為她做過甚麼最驚喜的事？煒哥說：“求婚真係令到我好驚喜，佢本身性格係多過四個人以上的聚會就會唔出聲，但估唔到佢叫晒我啲朋友見證求婚，仲要唱歌。佢真係鼓起好大勇氣，令我好感動。”