熊黛林拍戲嚇親老公

由熊黛林(Lynn)、張智霖、郭政鴻、羅子溢、黃浩然、楊茜堯與李彩華等主演的家族爭鬥劇《家族榮耀》日前於內地首播，該劇被譽為“時裝版宮心計”，Lynn與楊茜堯及李彩華演技大爆發。

接拍此劇對Lynn可說是最具挑戰的一次，她謂：“去年拍這部港劇《家族榮耀》時雖然拍得好辛苦，但好開心。記得拍攝後期是有少少發癲，從未試過拍咁樣的角色，未試過拍攝期間連續喊幾晚，入戲之後連導演叫Cut，我停下兩秒後繼續一路喊、喊足幾分鐘，所有人都嚇得企定定不敢動，大家都不敢行過來，任由我喊下去，現在想起來都覺得好笑。”

Lynn所扮演的大少奶角色相當有層次，完成多場大爆發的戲份，豁出去的演技令導演相當滿意，Lynn也感到滿足。劇中因為演角色崩潰爆喊的戲份，亦令Lynn難以抽離：“當拍些好激動戲份時，那一刻真係抽離唔到，真係太辛苦，要爆得好勁。不過我知道唔爆出來係唔會演得好，拍之前導演不停同我溝通，要一下就爆發晒出來！”

Lynn回想起拍攝期間，自己的投入卻令老公郭可頌受苦。她笑說：“有一段時間我真係癲癲哋，不大理會老公，所以佢都好緊張、好驚，因為未試過對佢咁冷淡。後來我有同佢解釋拍攝時候係好辛苦，返到屋企成個人都瘦晒、塊面都凹晒。”