洪永城餵女飲奶訴苦

洪永城昨日於社交平台貼出囡囡Amber的大頭照；另一張是他正在餵奶，姿勢看來頭頭是道。他留言道：“乖乖，食多啲，咁你就可以瞓覺好啲啦，你瞓得好、我又瞓得好，大家都開心啦。”

洪永城上月底榮升爸爸，老婆坐月休養身體，他就擔起好老公好爸爸的責任，幫手湊女及打理家頭細務，更專職負責當夜間餵奶員。但Amber飲完奶仍皺着眉頭，似對爸爸有所不滿。洪永城留言訴苦說：“唔好咁樣望住我，我都係為你好。噚晚一次過瞓三粒鐘，今次試吓四個鐘得唔得先？”

好友黃翠如忍不住留言問道：“這個表情，好難幻想將來你同個女相處。”洪永城回覆她說：“好期待一個美滿好玩的家庭，你幾時來睇佢啊？”

黎諾懿的細仔“小冬牛”亦於上月十日出世，為讓老婆安心坐月休養，他同樣當上夜更餵奶員。諾懿昨日於社交平台貼出剛餵完“小冬牛”飲奶的相片，只見“小冬牛”有點吃飽想睡的狀態，諾懿則仍很精神；另一張相則是“小冬牛”躺在爸爸胸膛睡得甜甜的，諾懿同樣睡到“口擘擘”，可想而知諾懿湊住兩個仔有多疲累，他留言苦笑說：“真的好想假裝有型！”