鍾嘉欣感恩有機會上台攞獎

一直盛傳專程自加拿大返香港角逐今屆視后獎的鍾嘉欣，前晚在無線頒獎禮上大熱倒灶，只獲得“馬來西亞最喜愛TVB女主角”一獎，但嘉欣表示唔失望，反而很感恩，因為不知何時再有機會踏上頒獎禮舞台。

鍾嘉欣在領獎台上說：“畀我感受吓個台！好耐無返香港，長大咗啦，多謝馬來西亞觀眾支持我咁多年，唔知仲有冇機會再上這個台。近日好多傳媒朋友問我睇好邊個、視邊個為勁敵，一霎眼我已經入行十七年，真係好快！大家見到我哋幕前好風光，其實要站穩位置，係需要好多付出和汗水。在座有份提名的單位和演員，都是我曾經的同事，亦是我的朋友。由誰得獎，我都會替她開心。多謝無線這間母校給了鍾嘉欣這個名譽，所以得到任何獎項都感恩；同時要用心對待演員和同事，才可以繼續這樣好的能量。”

頒獎禮後，一眾得獎者到電視城門外與粉絲慶祝，鍾嘉欣與李佳芯的粉絲聲勢最浩蕩。雖然嘉欣得唔到視后獎，但廿多名粉絲仍準備了應援車，掛上“我們的最佳女主角”應援牌，高呼：“嘉欣，妳永遠都是我們的最佳女主角。”粉絲又送上有Q版嘉欣紙牌的“最佳女主角”獎座及開香檳慶祝。

被問會否再返香港拍劇？鍾嘉欣稱今次返港是要處理私務：“公司邀請我時曾考慮過來不來，但見《星空下的仁醫》反應咁好，屬意料之外，很多粉絲和觀眾都想見到我出現，所以決定回來，真係好想多謝支持我的人。”她並說：“我會繼續努力！可能我做得未夠好，所以得唔到。我要繼續加油，可能幾年或十年後就有機會。”