陳自瑤致謝唔提王浩信

最佳女配角獎由陳自瑤獲得，現場眾人都替她開心，不少人上前擁抱她。陳自瑤一邊哽咽一邊說獲獎感言，表示：“入行十七年，終於有機會站在領獎台上了！”感謝詞最後，她說了一句：“感謝一直以來很愛我的……所有家人。”本以為她會提到老公王浩信，但最後也沒有說出口。

陳自瑤接受訪問時心情仍然好激動。她說：“好怕漏咗多謝人，知道大家好錫我、支持我。雖然有好多朋友鼓勵我、係大熱，但未到頒獎一刻都唔知道結果，所以一直抱住平常心，諗住扮靚靚出席頒獎禮。好幸運遇到好角色，好感恩。（點解台上冇多謝老公王浩信？）有！我有多謝所有屋企人同錫我的朋友，已概括晒所有人。因為答謝詞要簡短，唔可以逐一多謝。（老公不在現場，會唔會覺得可惜？）已經好開心，有同阿女講媽咪參加頒獎禮，叫佢睇電視支持媽咪，阿女話媽咪一定要得，要攞獎座返屋企。”

陳自瑤又主動解釋去年台慶頒獎禮被指黑面一事：“被人講足一年！其實只係冇表情一剎那被人影到。”