蔡穎恩獲祝福不停生B

模特兒蔡穎恩(Evelyn)與攝影師譚運佳攜手步入人生新階段，前日在雙方父母和親友見證下，結束八年愛情長跑，註冊成為合法夫婦。

穿上白色婚紗的Evelyn由爸爸陪同進場，一對新人宣讀誓詞及交換結婚戒指，Evelyn全程笑得甜絲絲，老公卻一度感動哽咽；在親友熱情的掌聲和歡呼聲中，一對新人三度深情親吻，場面非常感人。

Evelyn大讚老公好靚仔：“好驚喜佢今日呢個Look，平時好少Gel起晒頭髮，今日真係好有型。我唔會再畀佢Gel起頭髮，咁靚仔，畀其他女仔見到點算呀⁈” 口氹到老公笑逐顏開。

新郎透露籌備婚禮期間要離港工作超過八個月，談到在婚禮上哽咽，他說：“平時好少對住屋企人講深情說話，感觸特別大。”Evelyn說：“反差有啲大，平時都係新娘喊，估唔到今日調返轉。”

好友陳嘉寶到場見證一對新人的註冊儀式，表示好感動，又對Evelyn笑言：“歡迎加入人妻俱樂部！”腹大便便的陳嘉寶更捉住新娘的手摸自己的肚皮，祝福她不停生B。