新益糯米飯——正！

無聊的星期天，晚飯還未有着落，突然想起老友廚神肥仔俠來。一於係咁話，找他搵食就是。

到得新益食店，只見肥仔俠一家大細，圍坐一起打邊爐，其樂融融。肥仔俠抱着孫仔對我說：幾十年交情，難得之至。確實如此，相識之時，肥仔還是青頭仔一名，尚未有新益；現今則兒孫滿堂，有了自已的搵食地盤，又贏得鬼馬廚神稱號，在本澳飲食界也屬知名人士，可喜可賀！

我指着肚皮對肥仔說，來找你是要你醫治我飢餓的肚皮的，肥仔爽快地說：這好辦，就試試新益的糯米飯好了。天文台早有預警，冷空氣南侵，氣溫驟降，作為禦寒暖胃食品，糯米飯正合適不過。我說：肥仔俠你係得嘅，一切依你安排。須臾，糯米飯上桌，除了充滿葱、臘味香氣，還鋪上些炒香的花生碎粒，食來倍覺可口，甚有食頭，是道甚有心思的製作，不錯。

到新益搵食，當然不能只要糯米飯，這裡的椒鹽狗肚魚，也是我的必選食品。甘香酥脆，蘸上喼汁進食，分外可口。本澳許多食店都有製作椒鹽狗肚，但有水準的不多，新益的出品，算得上是水準之作。我又欣賞這裡的葱油雞，滿滿的葱香，滲入到雞肉中，味道甚佳。另外，魚香茄子煲好味到驚為天人，大家不可不試。肥仔俠又向我推薦羊腩煲，但我等只有三人，實在吃不了這麼多，只好留待下次。

·為食大夫·