朱千雪唔抗拒參演綜藝

久未露面的大律師朱千雪，昨日悉心打扮出席品牌活動，她表示因為工作關係加上疫情，好少機會出席公開活動：“現時有律師工作在身，要分身出來，必須預早同經理人夾時間。難得今日唔受颱風影響，可以順利出來見大家一面。”

風采依然的千雪狀態大勇，問她會否繼續拍劇？她就說：“拍劇時間太長，好難遷就，不過，如果有啱角色係可以傾吓。（亮相綜藝節目呢？）要看公司安排，時間許可就冇問題，但暫時未有節目邀請。”

談及千雪好友岑杏賢榮升媽媽，千雪與一班姊妹日前齊齊為她慶祝生日，千雪指由於疫情關係，今次佢都未有機會見到BB。她說：“Jennifer（岑杏賢）係我第一位見證她懷孕到做媽媽的好朋友，身為朋友，我不知道可為她做甚麼、甚麼時候可以約她，所以我有跟她講不要介意，希望之後和BB見面可買禮物送給她。”問到可有請教生B秘方？結婚兩年的千雪稱順其自然；是否要“夾時間”？她笑言：“係！但以工作為先，慶幸雙方父母對此都沒有給壓力，可以享受二人世界。”