鄧麗欣佛系迎生日

鄧麗欣(Stephy)昨日出席時裝品牌活動，透露近日忙於為新歌進行後期製作，包括愛情電影《12日》及與黃子華與張繼聰合作的賀歲電影主題曲；十月底亦將開拍新戲：“一人分飾多角，因此情緒在浪漫、開心及凝重間轉變，心情有點複雜。”

Stephy於本月十五日將迎接三十八歲生日，她透露預留了時間食飯：“平常不特別慶祝生日，今年係第一次一個人過生日，其實對我來講冇乜所謂，自己同屋企人、朋友食餐飯已經好滿足。”飯局可有男生？她笑笑表示：“全女班！（冇男士約你？）唔知約得邊個，所以唔揀啦！”問到生日願望會否係想找個伴？Stephy稱從來唔會將感情事作為生日願望：“只希望身體健康、世界和平。（對感情事好佛系？）生活上都好佛系。”

有指Stephy將憑《男排女將》一角，在新加坡舉行的亞洲學院創意獎上爭奪香港區最佳女主角獎，有機會成港劇視后。她笑言唔知道有份參選：“聽起來好似好勁，代表香港打入亞洲係開心的，不過對手都好強，最近不少朋友表示有重看該劇，令我覺得好開心。”