廖子妤與王丹妮拍梅姐戲鬥喊

改編自巨星梅艷芳真人真事的電影《梅艷芳》，劇組舉辦紀念展，在片中主演梅艷芳及梅愛芳兩姊妹的王丹妮與廖子妤昨日到場欣賞。

廖子妤表示見到婚紗服裝的感覺最震撼：“拍呢場最後演唱會的戲時，我有去探班，睇住佢穿起呢套白色婚紗開始唱歌，我已經開始流眼淚。”王丹妮補充說：“我之後知道家姐喊，覺得好感動。但又因為係最後一場，代表我對團隊的不捨，我都眼濕濕，但又要控制好自己情緒，唔可以嚎哭。”

除了演唱會一場戲令兩人印象深刻，片中兩姊妹的對手亦不少。問及哪一場戲同樣令她們感動？王丹妮表示：“家姐病咗在醫院、同我講咗一番說話，那場戲的拍攝其實好辛苦。我哋冇停過喊，係忍唔住喊，有時大家真係攬埋一齊喊。家姐又做得好好，好深感受，我個心真係揪住。”

廖子妤亦提及事前準備一點都不容易：“劇組單是在香港招募演員前後都花了一年時間。我係一七年年頭試鏡，直到九月才搵到丹妮，慶幸好彩搵到你。我哋相處過程中，我愈來愈覺得捨佢其誰。”