彭秀慧成功集郵五隻手指

姜濤開騷前扮嘢嚇人

男團MIRROR前晚舉辦拉闊音樂會，成員姜濤、柳應廷聯同林家謙、Tyson Yoshi在台上勁歌熱舞，人氣王姜濤在台下就成為“集郵”焦點。

男團MIRROR成員姜濤前晚與柳應廷(Jer)、林家謙及Tyson Yoshi（程浚彥）一齊開拉闊音樂會。不少圈中人到場觀賞，完場後更到後台搵幾位表演者拍照留念，“人氣王”姜濤則成為“集郵”焦點。

姜濤與Jer在開騷前均有透露備戰情況。姜濤在社交網分享彩排的短片，期間Jer有入鏡，亦見到Tyson Yoshi躺在地下。日前出席活動曾當眾暈倒的姜濤，鬼馬地以亂髮擠出額上“火車軌”扮鬼臉，並發文說：“嗯！緊張得……瘋掉了。”“姜糖”（姜濤Fans昵稱）和經理人花姐紛紛留言祝他“Good Show”，剛與姜濤合作新片的毛舜筠亦有留言為“阿仔”打氣。

Jer開騷前一晚突然在社交網限時動態發文，自爆開騷前身體狀況欠佳，一班“柳柳粉”紛紛表示擔心。Jer留言說：“開騷又有氣管敏感？咁收縮好辛苦。”Jer翌日再上載短片，可見他似乎已克服不適，現身場館。

姜濤與Jer剛剛拍完女導演彭秀慧的新作《阿媽有咗第二個》，當晚彭秀慧也有到場觀賞音樂會，隨後在IG分享與姜濤的合照；只見姜濤罕有地沒有舉“Yeah”手勢，而是舉起五隻手指。彭秀慧留言表示：“係五隻手指呀！係五隻手指呀！唔係兩隻手指呀！我上次睇MIRROR演唱會的時候得兩隻手指咋！今次多咗三隻呀！知我咩料啦！”更笑言猜猜若有下次合照，姜濤會舉幾多隻手指？有“姜糖”建議姜濤把腳趾也舉出來。

彭秀慧也分享了與Jer的合照，搞笑地說上次去觀看MIRROR演唱會時並唔認佢：“但這次看到Jer在台上唱歌，多了一份很濃的情感。台上面嘅佢，與電影裡面嘅佢係完全兩個人，大家真係要好好期待佢嘅演出。”