布志綸為恩師改變自我

布志綸(Alan) 日前接受許文軒主持的節目專訪，大談轉投新唱片公司及推出新歌的感受。他表示：“其實簽新公司後都要一段時間磨合，呢大半年一直有寫歌，大大話話交咗十六、十七首歌，但公司一直唔收貨，佢哋想我簽約後推出的第一首歌多一點光明感覺。”

對於恩師Gary Tong（唐奕聰）離世，Alan仍有不捨，他說：“佢離開後我戒咗煙，因為覺得自己要為佢改變。因為真係冇諗過佢走得咁突然，本身一路話約食飯，因為疫情關係，好耐冇見，但原來可以就咁消失咗。佢唔鍾意別人唔開心，所以我要開心啲！做音樂的態度係要享受、要玩得開心。”

談到近年他愛上戶外運動，Alan說：“受中學同學影響，多咗玩戶外運動。以前我好怕水，遊船河、划艇一定Say No，因為驚浸水及暈船浪。但依家好鍾意行山、攀石、滑水同划艇，試過一個人出海划艇划咗十公里，自己都估唔到，依家曬到黑萌萌。”