樂宜炮製愛心拉麵

“DJ女神”樂宜前日出席某美食店的開張儀式，並即場為粉絲親自下廚炮製愛心拉麵，活動未開始已經吸引眾多粉絲到場打氣。

樂宜說：“今日係幫創食薈揭幕，同埋煮拉麵畀粉絲食，我煮食都OK啦，尤其係打邊爐！（打邊爐唔使煮喎！）係呀，就係唔使煮先叻。平時就食得多，真係自己煮就好似係第一次。”不過她又面帶尷尬地說：“我份人好大食，呢排又真係食多咗，要趁夏天未完去減肥，咁樣着比堅尼先靚嘛。”

樂宜透露了最近工作安排：“依家主要接拍廣告，今個月特別多DJ打碟工作做，隔兩三日就有一個騷。最近我都做咗隻EDM新歌，聽經理人講仲要錄兩首新歌，有一首係火火填詞，另一首係梁柏堅填詞，十一月左右就會完成。”