陳毅燊拍廣告被小朋友恰

參加《全民造星3》得到季軍出道的陳毅燊(Ansonbean) ，近日為乳酸飲品拍攝新廣告，一連三集的廣告夠創意，更足足花了三天時間拍攝。他說：“拍這個廣告，一來好開心，二來有少少惆悵。因為要凌晨兩三點起身去開工，之後拍到第二日凌晨一點才收工，變相我要好早瞓覺，調節返生理時鐘。”

廣告的第一集講Ansonbean不喜歡外形太甜美的女孩，反而愛上小甜運動型少女。他透露今次廣告拍攝好好玩：“好多搞笑場面，仲要我踩單車失手跌低。不過最難忘係我要被小朋友恰，仲要不斷畀佢鬧，又用水槍射我，我咁大個人都未試過。”提到成為廣告界新寵，還想接拍甚麼類型廣告？Ansonbean想也不想便說：“最希望拍遊戲機廣告，因為內容可以天馬行空，又可以加CG，一定好好玩，我又好鍾意打機。”

收入愈來愈多，但Ansonbean暫時未想到買甚麼禮物獎勵自己，但平日跳跳紮、只有二十歲的他，其實也有暖男的一面。他說：“我未諗點樣獎勵自己，反而剛才買咗好多嘢飲畀工作人員，係我第一次‘萬歲’。因為呢幾日拍攝，又曬又熱、勁辛苦，請大家飲嘢，我覺得係好應該。”