熊黛林返內地拍戲重拾自信

熊黛林(Lynn)昨日以代言人身分出席醫學美容旗艦店開幕，雖然已為兩女之母，但Lynn身穿白色低V貼身長裙亮相，盡騷美好身段。

Lynn之前半年返內地拍了兩齣電視劇和兩齣電影，中間返港一個月陪兩個女兒。Lynn表示這趟返港休息兩個月：“照顧女兒下月幼稚園開學，之後又要返內地開工，不過老公暫時仍未知道我又要走。”問老公有否詐型？Lynn尷尬笑說：“都有詐型呀！上一次我係過年前走，他已叮囑我不要走太久；之後我又走，他會癲了！”

在橫店和上海拍戲的日子，Lynn坦言很記掛兩個女兒，即使經常有視像通話，但每當聽到女兒問“媽咪你幾時返”，她總忍不住眼濕濕。

Lynn表示工作排得這麼密，主要是已有數年沒有演戲，感覺整個人也失去自信心：“這次拍完戲之後，成個人靚返好多。有自己的事業，自信心都返晒嚟！”

Lynn離開香港這麼久，她坦言老公都有微言：“都有少少鬧我，但無特別要約法三章，只會擔心我辛苦，怕我一個人搞唔掂！”老公有否說要留住她在港生多一個？Lynn堅定地說：“不會啦！我咁辛苦減咗五十幾磅，唔生喇！而且我都四十歲喇！”老公冇要求追多個仔？Lynn謂：“佢冇講過，我也不會再生！生仔真係太辛苦了，我唔想再要減肥，年紀始終亦係問題！”