陳穎欣齋拍宣傳照冇得食

陳穎欣(Yanny)早前為蕭唯展（前名蕭潤邦、Oscar）的食店拍攝新一輯宣傳照，首次接拍食品廣告的她好開心，因為食在她的人生中相當重要。她笑說︰“今次拍食品廣告超級開心，因為我非常為食，你見我第一次搞生意便同朋友搞餐廳，你就知道食對我有幾重要。”

拍攝當日，原本Yanny以為可以狂食Oscar食店的招牌小籠包及新推出的龍蝦美食，連午餐都唔食，希望留肚品嘗美食。

她表示︰“今次主題係流心芝士龍蝦小籠包，我超鍾意食嘢，所以早上我只食一碗飯打底，而且冇食午餐，諗住拍攝時有好多嘢食。不過拍攝唔係真食，又聞住好香嘅龍蝦味、濃湯味，又有小籠包味，但係又唔食得，我覺得係好殘忍嘅一件事。”

說到最殘忍的一幕，Yanny笑言是要將一大隻龍蝦放在嘴裡拍攝︰“有一個鏡頭係要扮食，將一大隻龍蝦放喺口度拍攝，但又唔畀吞，好似上緊天堂又落緊地獄咁。”

她透露拍攝時更要考她的筷子功︰“雙手都要用筷子夾小籠包，但我唔習慣用左手揸筷子，結果拍攝過程小籠包係咁跌，我就諗唔好再跌啦！因為小籠包跌咗整污糟要換過新的，我就會覺得跌落地不如畀我食咗好過啦。”