蔡思貝自揭被問價二百萬

昨晚播出的無線綜藝節目《Mean Talk》，邀得情同姊妹的蔡思貝、何雁詩及賴慰玲任嘉賓，期間思貝坦言為“姣精”稱號感到唔開心，又自爆曾被問價，但她當然不為所動。

該節目由林盛斌(Bob)及江美儀主持，每集都向嘉賓大迫供，句句到肉的Bob，直指思貝入行七年共有十五單緋聞。談到被封“姣精”，思貝坦承唔開心：“始終唔係讚語，但我覺得有原因的，頭幾年我真係唔太識（避忌），當係跌一下上一課。”美儀就追問思貝買車買樓等“忽然富貴”傳聞，賴慰玲、何雁詩即力證思貝是慳慳埋埋才有今天，連阿Bob亦幫口說：“有次見到佢，嘩！我話你不如換過架車啦，佢架車係Cheap到拎去賣都未必值三、四千文。”思貝聞言即忍不住落淚：“有啲人辛酸會公之於世，我唔係咁，我懶係有骨氣。我一路以來無論傳媒講乜，我一次都冇澄清過！我一路專注工作，冇人知道所謂女一是住二百呎的碌架床。”三人又自揭“娛樂圈問價”事件，期間思貝拿出手機向主持展示前一天收到的問價內容，並透露最高試過被問價二百萬。