香香唔畀囝囝睇劇怕學壞

岑麗香（香香）、龔慈恩、商天娥、吳岱融等昨日出席劇集《寶寶大過天》宣傳活動。四月底誕下細仔的香香，產後個多月即復工，昨日明顯清減不少，穿上修腰短裙，露出纖幼長腿。她坦言仍有戴腰封，距離目標仍要減多五至十磅，但不想為收身給自己太大壓力，認為最緊要是健康及開心，更笑指突然要宣傳，成了減肥的動力。

飾演新手媽媽的香香，其角色經常因為女兒的行為而發狂尖叫及反白眼。她笑說：“其實劇本有好多尖叫及反白眼，我已經減低咗少少，今次角色都算係挑戰自己。”香香坦言怕兒子模仿力強及呷醋，不准他再看該劇：“好似第一集我畀個女打塊面，當時一家人一齊睇，結果阿仔學曳晒，睇到我抱其他小朋友又會妒忌呷醋，又會問爹哋點解唔係自己個爸爸。事後我有同佢解釋，但自從那晚之後，我就唔再畀個仔睇劇。”

龔慈恩在劇中飾演香香媽媽，同時是一名“專制外母”， 經常折磨女婿馬國明，演出入木三分。她自爆家傭姐姐看完劇集後，見到她都有少少驚：“佢即刻走去工作，感覺幾得意！但最初接到劇本都有少少驚，擔心會激嬲馬明的粉絲。”