旅客增多漸好景

賭收陸續緩慢升

港方防疫唔生性

清零不足冇得傾

近月內地疫情穩定，儘管廣東有新確診，來勢猛，惟來澳旅客意欲未減，市場漸旺，賭收回升。

最近香港確診個案有所回落，商家憧憬通關，方便生意往來。居民則希望與家人團聚，長期往港睇醫生及快要換身份證者，更希望早日放寬限制。

內地收緊跨境賭博資金流動，賭廳生意大受打擊。儘管旅客漸增，亦未見中場大旺，賭收緩慢增長，有好過冇。香港為第二大客源，豪賭客多，爛賭客不少，往日主婦早上來，傍晚走；打工仔則放工來，賭通宵，早班船走，一小時船上睡眠即返工。最旺場時，客船周六日經常爆棚，港澳遊團客塞滿兩地碼頭，其中有大批來澳搏殺的港客。

俱往矣，港澳客船疫下停航兩年多，員工多已遣散或離職，他日有機會復航，船公司又要重召舊人，或許前員工經已轉行。

疫情未發生前，員工已感覺飯碗不保，皆因港珠澳大橋開通後，往來交通方便，一車直通，搭船客明顯減少，員工早有危機感。無奈“屋漏更兼連夜雨”，疫情殺到，連船停埋，徒呼奈何。

現時澳人唔驚內地怕香港，事關內地檢疫嚴格，運作暢順，內地客有足夠檢疫證明才能入境本澳。自恢復通關以來，無內地確診個案流入，加上賭場檢疫做足，總算平安。目前香港疫情稍緩，惟仍有確診，鑑於香港是國際城市，人員來往頻密，暑假必然有大量留學生回港，恐有疏漏。

疫下香港環境比澳門嚴重得多，旅遊、飲食、零售行業受重挫，業界急於放寬防疫限制。惟香港防疫支援不足，疫苗接種率同樣落後（儘管打針有樓抽），加上港人欠團結，又多黑醫護攪屎棍，短期內急於清零放寬，反彈不無可能。澳門防疫政策嚴謹，表明香港連續十四日清零始有商量，寧願賭收慢慢回升，暫時也要堅持下去。

羅倫斯