陳智燊未落實回巢拍劇

陳智燊前日出席某手錶品牌的宣傳活動，他表示受疫情影響，已有一段長時間沒有出席商演活動，加上去年太太宋熙年佗細仔，很少出街，獲邀請出席活動感到好開心。

離開無線後轉型發展做KOL的陳智燊，指近日疫情緩和，不單很多客戶大膽落實活動舉行時間，他也多了拍片：“上星期便借了一部超跑拍片，之後便會放上網。”他指現時成個人輕鬆了，沒有之前那麼擔心。是否因收入好轉才可以放輕鬆？他否認道：“同收入冇乜關係，其實唔止我，成個社會經濟都要一齊前行。”談及曾志偉回巢無線，藝人收入會否好多了？他說：“我覺得要有新衝擊，之前實行的一套要換一換，因為有啲節目已運作好耐，有志偉同祖藍推動吓係好啲，大家有多啲嘢睇。”

陳智燊又透露近日分別與無線、香港開電視及ViuTv洽談拍攝劇集及綜藝節目，但仍未落實，要視乎時間而定。問到可會一家四口一齊演出？他卻說唔會：“就算阿仔肯戴口罩都麻煩，我想構思拍新節目。我睇過好多網上短片，好開心見到有班後生仔拍好多唔同題材同搞笑的片，當中有啲可以學習一下。（唔怕被人指抄襲？）唔係抄襲，係會請教一下。當然唔可以全部照抄，好開心有一班年輕人在推動成個娛樂圈。”