劉小慧為黎燕珊送生日驚喜

黎燕珊日前接受劉小慧邀請，一齊開Live傾偈。小慧得悉當日係珊姐生日，就預備了紫色生日蛋糕送上驚喜。細心的小慧知道珊姐即將開拍新劇後，更送上一大籃天然鈣丸做生日禮物，希望珊姐搵到盤滿砵滿。

珊姐表示不介意生日開工，她說：“我平日比較少網上開Live，所以今次跟小慧學嘢。原來可以即時睇到網民直接反應，留言祝我生日快樂！一次過收到好多祝福真係好難忘。我仲好羡慕小慧有位背後的男人蘇老闆，為小慧細心打點一切，令到太太無後顧之憂。”

黎燕珊表示開Live前，仔女已經為她慶祝生日。說到在《日日媽媽聲》節目中，她分享做單親媽媽的心聲，剖白與前夫保持聯絡是希望仔女明白父母離婚是大人的事，“不想他們在吵吵鬧鬧的恐懼下成長，同時不希望影響他們自信心”。這番說話感動了不少單親媽媽，更留言多謝她發放這正能量說話。她笑言節目出街後，立即有好多朋友紛紛表示有筍盤介紹，但因為目前要集中精神投入拍新劇，所以暫時將機會延後，留待拍完劇再考慮。