向海嵐賣珠寶有滿足感

向海嵐(Anne) 日前接受香港開電視主播馬梓軒專訪，分享當初決心做珠寶生意的原因，並透露店舖開業半年已經回本，但疫情令生意面對前所未有的打擊。她謂：“只能夠向業主要求減租，慶幸我同拍檔都比較有正能量，開始諗改革、努力做網上平台，同時構思一啲新穎設計吸引顧客。”

Anne在三年前與朋友合共投資七位數字於中環開設翡翠珠寶店，她表示：“其實做珠寶真係一個機緣巧合，最初冇諗過。當初我認識一位朋友，佢父輩開始已經做翡翠生意，後來佢話不如一齊試吓合作，叫我擔任類似代言人。後來慢慢傾落，發現大家好投契！另一方面佢又做設計，剛好又遇到中環呢個舖位，覺得好適合，於是就下定決心實行。”

即使面對難關，依然無減Anne繼續做珠寶生意的決心，皆因過程中令她很有滿足感：“我覺得做珠寶係令人好開心，因為每一個客人上門買嘢，一定係因為有開心事而幫襯。而且我覺得珠寶係一種好長遠投資，可能好多人會將珠寶一代傳一代，所以係好有傳承意味。”