C AllStar專注打造新碟
香港男子組合C AllStar日前作客TVB娛樂新聞台節目接受專訪，大談重組後推出的新歌及休團三年的改變。
談及剛推出的新歌，King對歌詞“放棄了這班同路”特別有感受，他說：“在台上唱呢句時，隔離就係這個‘同路’。可能呢兩年單飛，冇乜點理C AllStar，所以好有感覺。”四子都表示今年會專心打造合體後新碟：“未來四個人又得、一個人亦得，唔使講得太清楚，珍惜現在，將單飛時學到的放晒入去，做到最好。”
休團三年來，眾人表示King最自在，On仔說：“我覺得King做咗EDM進入打碟世界後，在台上表演會特別開心和有自信，不過佢一講嘢就變返詞不達意。”King就回應說：“我成日被人話我好奇怪，呢幾年我同好多人溝通唔到，慢慢才知道原來我講的東西只得自己明白，所以依家都要學習別的話題。”
釗峰被隊員指改變最大，Jase笑說：“釗峰以前愛說教，有名畀你叫梁教授，依家講嘢少咗、精準咗，冇咁多廢話。”King覺得現在的釗峰更淡定，跟以往經常釋放能量的狀態完全唔同。
