儲幾個月錢嘆米芝蓮

陳楨怡自認為食

港姐亞軍陳楨怡昨日聯同陳曉華、陳婉衡、王菲、蔡嘉欣、游嘉欣及盛勁等出席明珠台系列電影記者會。眾人分組玩遊戲，輸了的蔡嘉欣要反白眼扮喪屍，十分搞笑。

“咪神”陳婉衡昨日穿上低胸小背心性感現身，玩扯大纜遊戲時更十分投入，幾乎走光。事後她笑說：“OK啦，還好。（只屬小兒科？）係呀。” 婉衡本身有開班做健身導師，她坦言因疫情關係，對教班有少少影響：“身邊的朋友都有受影響，尤其是近日健身室關閉，所以希望疫情盡快過去。”她表示之前因為健身室關閉，偷懶少了做健身，以致肥了不少，要開始勤力健身及操練腹肌了。被問減了多少磅？她說：“已減了四磅，但距離目標仲有兩磅，已經見到少少腹肌了。”

陳楨怡日前在社交網上載幫襯米芝蓮餐廳、食過千元午餐的相，被指好富貴；但隨後卻被拍到食魚蛋粉、搭小巴，被讚“貼地”。昨日她解畫說：“米芝蓮餐廳唔係成日去食，諗咗幾個月至去的。最嬲原本話可以買一送一，因為唔記得帶優惠卡、用唔到優惠，真係蝕晒。食完米芝蓮餐廳，今日因趕時間同埋要慳錢，所以要捱麵包。”她謂本身好鍾意食：“平貴食物都會食，最重要係好食。”

陳楨怡自言細膽，好驚要扮喪屍：“平日我連鬼屋都不敢入去玩，很多時是做幫朋友拎手袋的角色。不過我又好喜歡睇鬼片，試過有次與女性朋友入戲院睇鬼片，因為太驚、嗌得太大聲而被其他觀眾望住。”可有男仔約去睇鬼片？她笑說：“我唔會去！(驚男仔仲驚過鬼？)係呀。”

陳曉華之前多數是演斯文及陽光味較重的角色，她表示希望稍後可以演一些有型格的角色：“想嘗試拍動作戲，就算要剪短頭髮甚至光頭都可以。”演技曾被批評的她，透露早前跟隨戲劇導師學戲，同班同學有姜濤及戴祖儀。可有被姜濤電暈？她笑說：“我哋好認真上堂，都好努力學嘢。”她表示目前已上了十堂課：“學到好多，希望演技方面有進步。”

被問到她與MIRROR成員陳卓賢 (Ian)之前因買車而傳緋聞，更被Ian的粉絲責罵，曉華卻避談說：“架車都搞掂晒，呢件事過去咗，唔好再提啦，唔記得啦。”