蘇民峰自嘲熟到爛

由阮小儀主持的香港開電視節目《小儀與13型男》，請來蘇民峰師傅擔任小儀約會對象。甫出場小儀即嫌棄表示：“唔係嘛，點解呀？話明係成熟型男，點解會係你呀？”蘇民峰即回應：“我熟到爛，不過型唔型，就見仁見智。”你一言我一語，場面惹笑。

節目中，蘇民峰為小儀親自下廚煮西班牙菜，盡顯成熟穩重一面，小儀亦讚嘆：“如果個男仔好似師傅（指蘇民峰）煮嘢食咁叻，吸引力會大增，男仔煮嘢食畀女仔，感覺好溫馨。”蘇民峰不時提及相處三十年的老婆Lilian，他說：“我唔係成熟，但我好現實，同我一齊會有安全感，以前窮得滯，啲女人嫌我窮，直到我呢個愛人，我窮都唔嫌棄我，第一餐同佢喺台灣飲茶，係佢埋單，因為佢驚我冇錢畀，佢第一次嚟香港，佢買嘢送畀我，我都冇買嘢送返畀佢。”