江嘉敏馮盈盈拋胸露腿互窒

昨日，江嘉敏與馮盈盈亮相電視城，谷新節目《解構心機女》。兩位傳不和的“死敵”合作，江嘉敏露長腿迎戰，盈盈則谷盡“事業線”。她們表面上甚是友好，又大方合照，但不時互窒。盈盈更“擺款”補妝，讓嘉敏久等。江嘉敏稱一向不會推工作，除非有裸露場口才不會接。

盈盈被問：“與嘉敏是否都係心機女？”她說：“嘉敏都講過，心機可能係好嘅，心機可以代表心思，所以大家都係心機女。”嘉敏亦認為全人類皆有心機。

兩人的合照惹來修圖風波，江嘉敏是否覺得被P肥了？她笑說：“邊個P肥我先，你講邊張相先，我又唔知邊個P肥我喎？冇咩傷害到我，我噸位夠，打風都吹唔甩。”盈盈則說：“張相係助手影，原相喺助手度，我覺得只係大家編輯風格唔同，我亦從來冇講過啲相冇P圖。”