林夏薇想拍劇兼唱主題曲

林夏薇（薇薇）與張子豐前晚為敖嘉年主持的網上直播節目做嘉賓，薇薇表示近年少有機會獻唱，為了保持水準，事前都要上堂學唱歌惡補。她說：“自從嘉年邀請我唱歌後，有點緊張，因為要唱六首歌。今次係我首次在網上直播中唱歌，同平時唱歌有少少唔同，希望給觀眾留下好印象。”

敖嘉年表示與薇薇是在一四年拍劇集《寒山潛龍》時認識：“知道她是唱得之人，今次好難才請得薇薇出宮。”兩人與張子豐亦是因拍劇而認識，三人更會在直播中合唱。談到曾志偉返無線搞綜藝節目，薇薇會否期待有更多發展？她說：“我希望作多方面發展，對我來說係以拍劇為主，如果有機會唱劇集主題曲就更好，我當年都唱過《單戀雙城》主題曲，仲得過歌曲獎；但之後就冇機會再唱，每次去登台大家都會點呢首歌。我都想有第二首新歌，唔使變成一曲歌后。”

被問可有見過堂兄林峰的女兒？薇薇指從未見過真人，只看過相片：“因為疫情關係，我都冇見過林峰，我連自己父母都冇見過，佢個BB女就更加未見過。之前我買過一份禮物畀BB，到依家仲未送出，衫仔已經買大咗一個碼，希望送到畀佢時仲可以着。”