林二汶紅館處女騷急就章

歌手林二汶將舉行首個紅館演唱會，日前接受香港開電視主播馬梓軒專訪，大談演唱會籌備進度。被問有冇參考一些健康食譜，以保持最佳狀態，二汶笑言：“未啊！咁短時間就算畀咩食譜我都食唔切。一般歌手準備紅館騷都係早九個月前知道，因為都要好長時間準備。通常大家預期紅館騷係載歌載舞，有好多舞蹈員。但呢個騷有別於其他騷，原因係我得兩個月時間籌備。若我做自己唔擅長嘅嘢，會辜負大家的期望。”

談到會否獻唱盧凱彤的歌，懷念這位已故好拍檔，二汶謂：“我覺得佢作為一位音樂人，有好多嘢值得大家紀念！如果佢嘅作品喺呢次演唱會上係好適合嘅話，我一定會唱！但其實我並唔係要特別用一個咁大嘅形式去紀念佢，因為佢每日都喺我心裡面！所以如果你問我係咪會唱Ellen嘅歌，其實我唱嘅每一句，你都會聽到佢，因為大家係睇住我哋成長！”