林曉峰帶挈外甥女拍片

林曉峰(阿Lo)與家姐林珊珊大女西瓜（李澄）雖然合作機會不多，但平常在家會親自幫她特訓，所以近日為電視台拍攝系列宣傳片時，就算一鏡到底也難不倒他們。西瓜説：“阿Lo拍過呢個宣傳系列，駕輕就熟，同佢又合作過，喺屋企佢亦帶住我哋一齊練習拍嘢，不過次次都畀媽咪打斷潑我冷水。今日好彩同阿Lo好有默契，成條片都係拍咗四日半。”

阿Lo說：“其實已經係第二次同西瓜一齊拍嘢，之前去過杜拜拍旅遊特輯，不過呢個系列嘅電視宣傳片，由第一輯我已經開始拍，今次第二輯就搵埋西瓜一齊，但係負責畫外音嗰位高人（林海峰）就仍然係見聲唔見人。”西瓜立即插嘴説：“咁第三輯一定要搵埋媽咪（林珊珊），佢應該恨咗好耐。”阿Lo也附和。