余香凝推新歌講親情

余香凝(Jennifer)昨日宣告推出個人新歌《最好陪伴》，這首新歌是她與鮑起靜主演的微電影《日子總有我陪伴你走》的主題曲。

去年底升呢人妻及準媽媽的Jennifer，在新歌中大講親情︰“這首歌講人與人之間感情，同微電影有關係，要珍惜人與人之間關係，唔可以等，因為等的話可能會錯過一些東西，就算物轉星移，好多事會變、事物會變舊、人會離去，但唔變的係感情。”

早前Jennifer到錄音室為新歌錄音，首次跟金像獎音樂監製戴偉合作的她，表示演繹這首歌充滿挑戰性︰“聲音方面好難控制，要好似講話咁，但又唔可以似讀書或者細說故事，非常難掌握。呢首歌有些高音位和激動位，又唔可以太激動。”Jennifer坦言唱這首親情歌時感受良多，令她更要珍惜親人。她說︰“長大後我經常會諗，爸爸媽媽年紀愈來愈大，時間會唔會係倒數緊呢？其實咁諗係好消極，我哋要積極去諗，時間流逝，要趁呢個時候陪他們更多、陪他們做當年想做但未做過的事。”