華仔片場“獻吻”謝君豪

兩大影帝劉德華和劉青雲孭飛的賀歲片《拆彈專家2》氣勢如虹，連續八日高踞香港中西片票房冠軍，收近千萬港元，內地票房已突破十三億人民幣。

謝君豪在該片飾演極端恐怖分子，因被好友劉德華背叛而令關係決裂，其中一場講及他作出復仇行動，令華仔身陷險境。拍攝當日，兩人埋位前已不斷對稿，當拍至掌摑戲份時，現場氣氛變得緊張沉重。不過，被君豪掌摑的華仔，完成這個鏡頭後即不忘幽默一下，作狀吻對方，令現場笑聲不絕，紓緩了沉重的氣氛。

雖然這場戲的情緒非常複雜，但謝君豪就大讚身兼監製的華仔演起來駕輕就熟，能成功幫助每位演員：“華仔事無大小都好關注，由於佢係演員出身，所以非常關注演員需要，而且好清楚知道點樣令每一位演員都演得最舒服。我同佢合作對手戲最好，所以感受好深。”提到該場掌摑戲，君豪表示︰“呢場戲令我印象好深刻，係講我點樣懲罰背叛我的人，因為知道被背叛後就捉對方去石屋，而且有好長對白，情緒起伏好大。”