張美妮自爆餵人奶噴天花板

張美妮、關心妍、孫慧雪三位星級靚媽，日前為網台新節目《靚媽圍爐》擔任主持。張美妮在節目中大爆餵人奶經歷，如何發生噴射式人奶噴上天花板瘀事，三人又會同觀眾分享，有錢請陪月都要小心，更因為講得太開心，連求子期老公瘀事、各種閨房招式，如何迫老公進補等都公開。三人均異口同聲說，“個節目希望我老公同奶奶都唔好睇，哈哈！”

關心妍說：“我哋三個都係媽媽，小朋友的年紀相約，正好透過節目與大家分享經驗，觀眾又可以留言畀我哋互相交流心得。”在社交平台共擁有近五十萬粉絲的孫慧雪，一七年由宅男女神搖身一變賢妻良母，從此事業湊B兩兼顧，她說：“我好鍾意講嘢，又唔好意思唔湊仔，拍呢個節目啱晒，同老公講我去拍節目你湊仔！”