湯怡過大禮齋坐唔使做

上月底湯怡及麥秋成在社交平台上載甜蜜婚照，宣佈結婚兼即將榮升父母，說會入紙排期注册，今個月會舉行小型婚禮。日前，她舉行了過大禮儀式，跟足傳統甚有睇頭，大堆禮品，包括大筒花膠、瑤柱花菇、龍鳳鈪、金豬牌、首飾、中式禮餅、巨型生果籃、紅酒、椰子等，多到一張大枱都擺唔晒。

湯怡笑言自己齋坐唔使做：“哈哈，冇人够膽畀我做嘢。就算我想幫手，佢哋都會話唔好，呢段時間大家都當我公主咁對待。再加上秋明（麥秋成弟弟）係Wedding Planner，所以好多嘢都係佢幫我哋處理。”問到身體狀况，湯怡說：“我覺得呢個感覺好奇妙，自己都好興奮，暫時未緊張，反而會同朋友或家姐傾吓生完之後BB之後會點，坐月時應該食啲乜，希望有足够營養畀BB。”